الخمسينات داخل الحانة ( علم النفس )

 


في واحد من أجمل السيناريوهات في تاريخ هوليود، في البداية وأنا بتفرج على الفيلم للمرة الأولى، كُنت منبهر زي أي حد هيتفرج على الفيلم من السيناريو والحوار، واد ايه السيناريو مُحكم، ومثير جدًا ، في المرة التانية كُنت لازم أعرف مين المُخرج والسيناريست وكانت المُفاجأة آرون سوكرين.

بالمناسبة آرون سكرين ، بدأ حياته من كلية الفنون ، قسم المسرح، قدم نفسه كممثل، بعدين إتجه لما يُسميه بحبه العظيم الكتابة، كتب مسرحيتين، وعاصر اللى حصل في أحداث شيكاغو ، لحد ما وصلنا هنا بأفلام كبيرة ، في 2020 بيكون عنده الشجاعة يكتب ويخرج فيلم The Trial of the Chicago 7 وهو سبب البلوج دي النهاردة، وعاوز أربط بشخصية من الفيلم مع كلام في علم النفس .....

في البداية الفيلم بيحاكي أحداث الشغب اللى حصلت في شيكاغو ، مُظاهرة حصلت من تلت مجموعات، شخصان قائدان لمجموعة، وإتنين زيهم لمجموعة، وإتنين زيهم لمجموعة ، وواحد قائد لمجموعة ، وبالتالي بيكونوا 7 أفراد، لذلك اسمها مُحاكمة شيكاغو لسبعة مُتهمين.

الشخصية اللى أثارت غضبي ويمكن إعجابي بتمثيلها، هي بوبي سيل ( المُتهم التامن ) تم إنتقاؤه ببراعة، من قبل هيئة المحكمة لإخافة هيئة المُحلفين، ولو متعرفش يا صديقي، فهيئة المُحلفين دي بتكون مجموعة من الأشخاص اللى عاديين في المجتمع، مواطنين عاديين، بيصدروا هما الحكم، لما يكون المُدعي هو الحكومة الأمريكية، قصاد أفراد، فبتكون هنا دور هيئة المُحلفين ..



نرجع لموضوعنا ، بوبي سيل واللى هو الأسمر في الصورة اللى فوق دي ، جه من ولاية كونتيتكت عشان يلقي خطاب في المظاهرة دي بإعتباره عضو في جماعة البلاك بانتثر ، ومقعدش غير 4 ساعات في شيكاغو، إلا إنه كان موجود مُتهم في المُحاكمة اللى هي للمُتهمين السبعة ! 

ليه الأمريكان البيض بيتعاملوا كدا مع السود ؟ الأدلة بتقول إنه خارج التُهم والمُحاكمة دي ليه يتحاكم ؟

طبعا بوبي سيل كان عنده رد مُقنع شوية هو ليه بيتحاكم لأنه أسود و " لإخافة هيئة المُحلفين " ودي حتة حلوة برضو لأن هيئة المُحلفين من الأمريكان البيض، ليه مُجرد شخص أسود ممكن يشكل ليهم خوف، ويأثر على حُكمهم تجاه المُتهمين، بدون أي أساس، كان إختيار بوبي سيل للمشاركه في المُحاكمة ، واضح ، وهو لإثبات التُهمة على السبعة..

ليه ممكن شخص أبيض يخاف بدون أي تعامل ولا أي حاجة فقط رد فعل طبيعي من شخص اسود لو كان شخص أبيض ضعيف، ولو كان شخص أبيض عنده القوة يسيطر على شخص أسود ؟ ومش هوصفلك إحساس بوبي سيل بالظلم لأنه واضح ، واللى بالمناسبة ضربوه في المحاكمة وإستغل المُدعي العام المُتحيز الحركة دي لإعتبار مُحاكمة بوبي سيل باطلة.

في Max Planck Institute for Evolutionary Anthropology in Germany ، عالمة النفس ماري شيفر ، قررت تدرس جذور عدم تقدير الطفل منذ الصغر لغيره ..هل دا بيكون جاي من التربية أم الثقافة ؟

فجابت تلت جروبات من الأطفال أعمارهم من 4 ل 11 سنة ، جروب من ألمانيا وجروب من قبيلة في أفريقيا، وجروب من كينيا، وخلوهم يصطادوا سمك ويجمعوه كل جروب على حده، وفي النهاية الجروبات التلاتة ادولهم حلوى عشان يوزعوها على كل شخص بالتساوي بناءًا على مجهودهم ، فالأشخاص اللى جابوا سمك كتير هياخدوا حلوى بناءًا على اللى جابوه من سمك ، وهكذا ..

الجروب الألماني ، وزع حسب الجدارة ، أما جروب الأفارقة ، كان بعيد كل البعد عن الجدارة أو التساوي، على حسب العالمة ماري شيفر " لم يأخذوا الجدارة بعين الإعتبار على الإطلاق " ومن هنا قالت وعرفنا إن مش التربية اللى بتحدد إذا كان الشخص بيقدر اللى قدامه أو لا ، بل الثقافة، فالأفارقة عدم إحساسهم بالعدل، كان بادئ مُنهم هم شخصيًا في عدم إحساسهم بالعدل ، فلما وقف بوبي سيل في المُحاكمة، كان بالفعل هيئة المُحلفين ، عندهم رأي مُسبق مش عن بوبي سيل بل عن أي حد أسود ...وكذلك المُدعي ..

الخمسينات داخل الحانة ، الستينات خارج الحانة " آبي هوفمان " 









تعليقات

إرسال تعليق

المشاركات الشائعة من هذه المدونة

الرابعة والنصف مساءًا بتوقيت دوسلدورف

صورة
  في بدايتي لألمانيا اعتقدت أنني قد وصلت إلى الشاطئ الآخر، النعيم المقدس أو ما يشابه ذلك، لم ينتابني شك أن هذا قد يكون طريقًا صعبًا، بل وقد شعرت بالخوف في لحظة ما، لن يصدق أحد هذا ولكن طوال رحلتي في الطائرة من مطار القاهرة إلا مطار دوسلدورف الألماني، كان جوايا خوف لدرجة أنني كُنت أتمنى أن يحدث خطأ ويخبرني الموظف أنه هناك خطأ وأعود إلى مصر، لتلك الدرجة أردت المجازفة ولكن خفت من المجازفة في نفس الوقت، ولكن عندما رأيت من شباك الطائرة الغابات وكُنت خارج من مصر حيث الشمس الجميلة والجو المشمس الجميل، وفجأة رأيت لأول مرة أوروبا من الطائرة، شعرت بالنشوة، كان لذلك تأثير قوي ، أردت وقتها أن تنجح تلك المجازفة بكل ما أوتيت من قوة .... سكنت في شقة حيث أربع فتيات وأنا الولد الوحيد ، ليس هذا فحسب العربي أيضًا، تخبرني شريكة السكن التركية التي منذ خمس سنوات كانت في ألمانيا، في أول يوم خبطت على بابها وقلت لها أريد رقم الباسوورد ولكن بلهجة ألمانية مصرية لا تفهم منها شيئًا ، وكانت مشغولة في مكالمة وأعطتني الباسوورد وسألتني هل أنت الجديد هنا وأخبرتها نعم، كان لا يسكن الشقة في ذلك الوقت سوانا نحن الإثني...
قراءة المزيد

حامل المخطوطة في ظلام أبدي ( قصة قصيرة )

             حامل المخطوطة في ظلام أبدي                           تأليف                         محمد عطا  في ظلام الليل الدامس، جاء مهرولًا في وسط البيوت، حتى وصل إلى بيته، دق البيت ثلاث مرات وكأنه يهمس على الباب، حتى فتحت له زوجته ودخل وتأكدت أنه لا يوجد أحد يقتفي أثره، ثم أغلقت الباب. لماذا لم تسرعي في فتح الباب أيتها الغبية؟ كدت أموت خوفًا من أن يراني أحدًا، ولكن هذا لن يحدث مرة أخرى بعد الليلة، سوف نصبح أثرياء ... وبدأ يضحك هو وزوجته، قام بخلع الشال من عليه المبلل من المطر في الخارج، وإجتمعا حول المائدة ووضع لفافة من البردي وخاتم، وأحضر المصباح على المائدة بجانب لفافة البردي، وقام بإخراج خاتم من عباءته وضحك بصوت عالي وقبل زوجته، ووضعها على المائدة بجانب لفافة البردي. هذه تساوي الكثير من النقود، سوف أقوم ببيعها..عندما ينتهي التنقيب عن الآثار .. تغيرت ملامح زوجته من الفرح إلى الحيرة وقالت : ومتى...
قراءة المزيد

فرحة البدايات - أول أسبوع في ألمانيا

صورة
  طبعًا أول شهر هو تحطيم الأفكار المسبقة عندك لبلد جديدة، ايه البلد دي وإيه أفكارها ، دايمًا بيكون في إنبهار في الأول بكل حاجة في الحياة اليومية من أول الشوارع النضيفة ، لباقة الموبايل. كان عندي خوف إن باخد القرار الغلط في السفر لأن الموضوع كان فيه تحديات كتيرة ، زي العادي، عمر ما في حاجة بتيجي غير ومعاها تحدياتها، طلبت القوة، فربنا إداك المحن، ما هو مفيش طريق تاني هيخليك قوي غير عن طريق دخولك حاجة صعبة، ممكن تقول طاب ربنا هيسيبني ، ساعتها أققدر أققولك إن ربنا مش بيسيبك ودايما معيته بتكون محاوطاك، لازم تكون مؤمن بكدا ، كل اللي عليك إنك لما الحياة تضغط عليك جامد، ما تواجهاش لوحدك، خليك فاكر إن دايمًا في ربنا .. أول ما صحيت من النوم وبصيت لقيت ألمانيا تحت، مساحة كبيرة باينة من الطيارة كلها شجر وخضرة وجو مغيم ، وأنا لسه جاي من مصر كانت الدنيا حر، كل الخوف راح ، مصدقتش إن أنا فعلًا هنا في ألمانيا أخيرًا ، الحلم اللى أنا كُنت من خوفي بدأت أنساه. الأوضة اللي هسكن فيها كانت جميلة ، السكن كان واسع ، كان سكن مشترك مع 4 بنات سكنوا ورا بعض ( هنتكلم ع الحوار ده بعدين )  أول أسبوع في ألمان...
قراءة المزيد