الحنين للصحاب والغربة

 مش عايز أققول إن دي أسوأ حاجة في الغربة لكنها فعلًا هي دي أسوأ حاجة وعلى قد ما اليوم بتاعك بيكون مترتب إلا إن الماضي بيلاحقك ، كأنها جريمة 

عايز أققول إن مش نادم خالص على إني سافرت ، بس في حاجة إنت متعرفش عنها حاجة، إنت بتحتاج دعم ومش بتلاقيه ، وفي الآخر بتلاقي نفسك في أوضة في شقة كبيرة في وسط ناس عمرهم ما عرفوك، بتتكلم لغة مش قادر تعبر بيها عن نفسك واللي دايمًا بقوله أنا عندي شخصيتين 


شخصيه بتحب تقرأ وتكتب، حد بيحب السفر وبيحارب علشان اللي بيحلم بيه، بس في نفس الوقت في شخصية تانية، هي شخصية المهاجر، اللى بيبحث عن تحقيق نفسه ، عن مواصلة العمل من أجل حياته ومستقبله، وبين الإتنين إنت بتفقد حجات كتير أوي ، أتمنى من ربنا متكونش مهمة، لكن في نفس الوقت جواك غضب هتعرف ليه هو موجود الغضب ده، غضب من الماضي 

على العموم أنا بس حزين وحبيت أكتب وأفضفض ويكأن حد هيقرأ الكلام ده، لكن أنا مش هبعته لحد ولكن أتمنى في يوم حد يعثر عليه ويقرأه ، حد يكون محتاج ليه ، حد يكون بيمر بالوقت ده ، اللي مش هو بالمناسبة أصعب وقت في العالم في ناس بتمر بأصعب من كدا لكن هو مجرد بس إنك حاسس إن معدش عندك أصحاب خياراتك في البلد الجديدة بقت كتيرة والمسؤولية بقت أكتر والحرية بقت مجانا، في نفس الوقت شخصيتك التانية الخيارات قليلة والمسؤولية كبيرة والحرية ليها تمن...


تصبحوا على خير 

تعليقات

إرسال تعليق

المشاركات الشائعة من هذه المدونة

الرابعة والنصف مساءًا بتوقيت دوسلدورف

صورة
  في بدايتي لألمانيا اعتقدت أنني قد وصلت إلى الشاطئ الآخر، النعيم المقدس أو ما يشابه ذلك، لم ينتابني شك أن هذا قد يكون طريقًا صعبًا، بل وقد شعرت بالخوف في لحظة ما، لن يصدق أحد هذا ولكن طوال رحلتي في الطائرة من مطار القاهرة إلا مطار دوسلدورف الألماني، كان جوايا خوف لدرجة أنني كُنت أتمنى أن يحدث خطأ ويخبرني الموظف أنه هناك خطأ وأعود إلى مصر، لتلك الدرجة أردت المجازفة ولكن خفت من المجازفة في نفس الوقت، ولكن عندما رأيت من شباك الطائرة الغابات وكُنت خارج من مصر حيث الشمس الجميلة والجو المشمس الجميل، وفجأة رأيت لأول مرة أوروبا من الطائرة، شعرت بالنشوة، كان لذلك تأثير قوي ، أردت وقتها أن تنجح تلك المجازفة بكل ما أوتيت من قوة .... سكنت في شقة حيث أربع فتيات وأنا الولد الوحيد ، ليس هذا فحسب العربي أيضًا، تخبرني شريكة السكن التركية التي منذ خمس سنوات كانت في ألمانيا، في أول يوم خبطت على بابها وقلت لها أريد رقم الباسوورد ولكن بلهجة ألمانية مصرية لا تفهم منها شيئًا ، وكانت مشغولة في مكالمة وأعطتني الباسوورد وسألتني هل أنت الجديد هنا وأخبرتها نعم، كان لا يسكن الشقة في ذلك الوقت سوانا نحن الإثني...
قراءة المزيد

حامل المخطوطة في ظلام أبدي ( قصة قصيرة )

             حامل المخطوطة في ظلام أبدي                           تأليف                         محمد عطا  في ظلام الليل الدامس، جاء مهرولًا في وسط البيوت، حتى وصل إلى بيته، دق البيت ثلاث مرات وكأنه يهمس على الباب، حتى فتحت له زوجته ودخل وتأكدت أنه لا يوجد أحد يقتفي أثره، ثم أغلقت الباب. لماذا لم تسرعي في فتح الباب أيتها الغبية؟ كدت أموت خوفًا من أن يراني أحدًا، ولكن هذا لن يحدث مرة أخرى بعد الليلة، سوف نصبح أثرياء ... وبدأ يضحك هو وزوجته، قام بخلع الشال من عليه المبلل من المطر في الخارج، وإجتمعا حول المائدة ووضع لفافة من البردي وخاتم، وأحضر المصباح على المائدة بجانب لفافة البردي، وقام بإخراج خاتم من عباءته وضحك بصوت عالي وقبل زوجته، ووضعها على المائدة بجانب لفافة البردي. هذه تساوي الكثير من النقود، سوف أقوم ببيعها..عندما ينتهي التنقيب عن الآثار .. تغيرت ملامح زوجته من الفرح إلى الحيرة وقالت : ومتى...
قراءة المزيد

فرحة البدايات - أول أسبوع في ألمانيا

صورة
  طبعًا أول شهر هو تحطيم الأفكار المسبقة عندك لبلد جديدة، ايه البلد دي وإيه أفكارها ، دايمًا بيكون في إنبهار في الأول بكل حاجة في الحياة اليومية من أول الشوارع النضيفة ، لباقة الموبايل. كان عندي خوف إن باخد القرار الغلط في السفر لأن الموضوع كان فيه تحديات كتيرة ، زي العادي، عمر ما في حاجة بتيجي غير ومعاها تحدياتها، طلبت القوة، فربنا إداك المحن، ما هو مفيش طريق تاني هيخليك قوي غير عن طريق دخولك حاجة صعبة، ممكن تقول طاب ربنا هيسيبني ، ساعتها أققدر أققولك إن ربنا مش بيسيبك ودايما معيته بتكون محاوطاك، لازم تكون مؤمن بكدا ، كل اللي عليك إنك لما الحياة تضغط عليك جامد، ما تواجهاش لوحدك، خليك فاكر إن دايمًا في ربنا .. أول ما صحيت من النوم وبصيت لقيت ألمانيا تحت، مساحة كبيرة باينة من الطيارة كلها شجر وخضرة وجو مغيم ، وأنا لسه جاي من مصر كانت الدنيا حر، كل الخوف راح ، مصدقتش إن أنا فعلًا هنا في ألمانيا أخيرًا ، الحلم اللى أنا كُنت من خوفي بدأت أنساه. الأوضة اللي هسكن فيها كانت جميلة ، السكن كان واسع ، كان سكن مشترك مع 4 بنات سكنوا ورا بعض ( هنتكلم ع الحوار ده بعدين )  أول أسبوع في ألمان...
قراءة المزيد